علي كل مصري ان يتقدم للرئيس المخلوع حسني مبارك بالشكر والتقدير علي مجهوداته وانجازاته خلال ثلاثون سنة قضاها في حكم مصر طبعا انا عارف ان الشعب المصري كله هيبيح دمي ويقول عني اني عميل واني من اتباع الحزب الوطني لا والله انا شاب محب جدا لبلدي  لكن الاعتراف بالحق فضيلة ولابد ان نعترف بحق هذا الرجل علينا وواجبنا نحوه بتقديم بالغ الشكر لما قدمه لنا

 

فهو من اذاقنا طعم الظلم فكرهنا الظلم واعوانه وتعلمنا ان العدل معني الحياة
 فهو من سلبنا حريتنا فاشتقنا للحرية
 فهو من سرقنا فتعلمنا ان السرقة أبشع أنواع المؤمرات علي شعب مجبر علي امره
 فهو من سلبنا صوتنا فنسينا ان لنا لسان نصرخ به فتذكرناه وصرخنا وارعبناه واسترجعنا صوتنا
 فهو من مارس ديكتاتوريته بكل الطرق فحلمنا بالديمقراطية وحصلنا عليها بدمنا
 فهو من أحضر عازف في فرقة موسيقية وجعله يتحكم بالبلد فرقصناه علي واحدة ونص
 فهو من فرق صفوفنا قديما فتعلمنا ازاي نوحدها ونجمعها تاني من جديد
 فهو من جعلنا نتعلم خمستاشر سنة ولقينا نفسنا قاعدين علي قهوة في حينا وقالوا عننا اننا شباب ميتخافش مننا وطلعنا منها علي ميدان التحرير اللي ضمنا
 فهو من قال عننا دول شباب تافه وميقدرش علي اللي زينا وبعدها اكتشفنا نفسنا وان حلمنا كان مسلوب مننا فرجعناه بدمنا

 بذمتكم مش يستاهل مننا اننا نشكره علي انجازاته ونكسر وراه قلة ولا حتي زير