ايه سفن ايه

لما اتعلم خمستاشر سنة

واخد شهادتي بالهنا

والاقي في الاخر

ان انا قاعد علي قهوة في حينا

يبقي ايه سفن ايه

لما يدوا الرقاصه بالدولار

ودكتور الجامعه محتار

يولع في نفسه بنزين ولا يولع بسولار

يبقي ايه سفن ايه

ولما مواطن كده يتصور وهو مضروب متعور

ويقلك اصله اتهور وقال لبابا لا

يبقي ايه سفن ايه

لما يبيعوا القطاع العام علي جمب

وكده اوام ينهبوها ولاد اللئام

ويقولك خصخصه

يبقي ايه سفن ايه

ولما تلت مجندين علي الحدود

صاحيين يحمونا واحنا نايمين

يموتوا برصاص الاسرائيلين

ويقولك مكنش قصده

يبقي ايه سفن ايه

ولما الف مواطن غلبان

غطسوا ومحدش بان

وصاحبها بياكل لبان ماهم شيلوها للقبطان

يبقي ايه سفن ايه

ولما ولادها

يزهقوا يطهقوا يهجوا

يغرقوا في مركب في ليبيا

يبقي ايه سفن ايه

وزمم بشر خربانه

وجيوب دايما عمرانه

وقبور دايما حبانا سكانها من الغلابه

يبقي ايه سفن ايه

ولما اعضاء امانه تعميركوا

تقول ملعون ابو كبركوا

هندوس علي صغيركوا

ولا حد هيقدر يغيركوا

خدوا كلكوا في طييييييركوا

يبقي ايه سفن ايه

منقول للامانة

احساس مخيف

عندما تكتشف موت لسانك

عند حاجتك للكلام

وتكتشف موت قلبك

عند حاجتك للحب والحياه

وتكتشف جفاف عينيك

عند حاجتك للبكاء

وتكتشف انك وحدك كأغصان الخريف

عند حاجتك للأخرين