ياااااااااااااااااااااااااااااااااااااارب

انا مش عارف بصراحة ابدء بإيه وأقول إيه أكيد كلنا قرينا وشوفنا الكارثة اللي حاصلة لنا في غزة أيوه لنا _ إحنا العرب _ لأمتي هنفضل نبص من ورا الشبابيك ونقفلها أول ما نلاقي حد بصلنا من الشارع علشان خايفين ولما نلاقي حد بصلنا من بره الشباك نترعب في جلدنا ونخاف يكون عدو متربص ونجري بسرعة نقفل الشباك وندفن روسنا تحت السرير زي النعامة ما بتدفن راسها في الأرض وقت الخطر كلنا بنضحك علي نفسنا ونتكلم ونقول مقاطعة للمنتجات اليهودية للدرجة دي احنا وقعنا في الفخ وأكلنا الطعم مش عايزين نفوق ونتعلم بقي لنا كام سنة وكل ما يحصل عدوان علي فلسطين نردد ونطالب بالمقاطعة عملت ايه المقاطعة انا مش عايز واحد يمسك لي ورقة وقلم ويكلمني بلغة الحساب والضرب والمكسب والخسارة الموضوع مش موضوع ارقام ولا فلوس فوقوا بقي الناس دي مش مشكلتها الفلوس ولا المادة ولا الخسارة الناس دي مش بيهزها الفلوس والمكسب والخسارة للدرجة دي احنا مصدقين الكلام دا وبعدين ما احنا من غير ما نردد ونقول يلا نعمل مقاطعة للمنتجات اليهودية ما احنا عاملينها طبيعي بسبب ارتفاع الاسعار حد فيكم شاف قايمة المقاطعة حد فيكم بيشتري الحاجات دي يبقي كداب اللي يقول انه بيشتريها اذا كان مش قادر يشتري الفول والطعمية وبيصرخ من ارتفاع الاسعار المقاطعة يا عالم بتتكلم علي طبقة محدودة مننا طبقة الحرامية اللي معاهم فلوس اللي عايش حياة الدليفري والتيك اواي وسندوتشات مؤمن وغيره بالله عليكم حد يقدر يشتري سندوتش تمنه 11 جنيه وهو مش قادر يشتري رغيف العيش فوقوا بقي بالله عليكم نقدر نساعد اخوانا العرب في غزة وفلسطين بأسلحة تانية أقوي وأخطر صدقوني أسلحة هتهز اسرائيل وامريكا واليهود أجمع أسلحة سهلة علينا صعبة عليهم ميقدروش انهم يحتكروها علينا ولا يقدروا انهم يمنعوها عننا عارفين ايه هي الأسلحة دي " الايمان بالله الرجوع الي الله الاخلاص لله الصلاة يا عااااااااااااااااااااالم الدعااااااااااااااااء يا عالم " هي دي الاسلحة يا ناس يا عالم يا مسلمين علي ورق بس ومحدش يحرق دمي والنبي ويقولي احنا كلنا بندعي وبنصلي وبنصوم لنصرة اخوانا الفلسطينين ومحدش والنبي يقولي ربنا كبير واحنا مش بنفتكره غير وقت أزماتنا وننساه بعد ما تمر الأزمة يا عالم الأزمة مش أزمة حماس واسرائيل الأزمة إننا نسينا ربنا وبعدنا عنه بجد وغيرنا بيدفع الدين والتمن ازاي يا مسلمين واحنا بنصلي وبعد الصلاة بنسرق وننافق ونكدب ونخدع ونخون ونقتل ونخطط ونفكر ازاي نضحك علي فلان وازاي ناخد منه لقمة عيشه اللي عايش عليها ازاي عايزين ربنا يقبل مننا ازاي عايزين ننصر اخوانا واحنا مش قادرين ننصر نفسنا علي الشيطان ايه يا عاااااااااااالم هنتعلم الدرس امتي بقي هنفوق امتي بقي بالله عليكم حد يرد عليا رد مش يحرق دمي ولا يعصبني مين فينا مسلم من جواه مؤمن من جواه حق الايمان ( كداب متقولش انك مؤمن بتعرف ربنا وانت بتخدع وبتخون وبتظلم وبتدوس علي غيرك تحت شعار لقمة العيش هو ياخي ربنا بينسي حد دا بيرزق الحبة في بطن الجبل بس انت قرب منه واخلص له قبل ما تقف بين ايديه وتقول يارب حرر فلسطين قول يارب اجعلني اخلص لجلال وجهك علشان يقبل منك بعدها اي دعاء ) ايه هتقولوا عني اني انسان مش بحب فلسطين هتقولوا اضعف الايمان اللي بنعمله احنا حتي اضعف الايمان دا مش قادرين عليه مش عايزين نتعلم الدرس اللي ربنا بيحاول يعلمه لنا كل يوم في كل بلد عربي وللأسف هفكركم بكره بكلامي وهيجي الوقت اللي هقولكم فيه رجعت ريما لعادتها القديمة بعد ما ينتهي العدوان الاسرائيلي الحالي ويهدي الاعلام ويبطل يتكلم عن اللي حاصل في فلسطين كلنا هننسي وهنمارس حياتنا وكأن شىء لم يكن مش هنفتكر غير بس لما حد يفكرنا مش دا اللي بيحصل كل مرة وكل مرة نكرر نفس الشىء نردد المقاطعة والدعاء كلام مكرر ومش بيفيد وللاسف هو دا الطعم اللي سممت بيه اليهود وامريكا نفوسنا وبدنا لانهم كل محاولتهم انهم يبعدونا ويعمونا عن السلاح الأخطر اللي خايفين منه سلاح الاسلام الحق الايمان الحق هو دا اللي خايفين منه اليهود وهو دا اللي بتسعي وراه اسرائيل وامريكا وللأسف حكامنا العرب بيساعدوهم في كده انها تخلينا ننساه وللاسف فعلا نسناه ومش بقينا بنعمل بيه بقينا فاكرين انها مسألة ارقام وحسابات فقط فوقوا بقي فاكرين الاعتراف القديم اللي اعترفت بيه اسرائيل ياريت تحفظوه وتعملوا بيه اعترفت اسرائيل قديما على لسان رئيسة وزرائهم جولد مائير ينتصر المسلمون عندما يصبح عدد المصلين فى صلاة الفجر يساوى عدد المصلين فى صلاة الجمعة
هو دا السلاح يا عرب الرجوع لله عز وجل
انا زهقت وتعبت من خضوعنا واستسلامنا لإستخفافهم بعقولنا وتفكيرنا احنا اكبر واعظم من كده
اصحواااااااااااااااا فوقواااااااااااااااااااااااا بالله عليكم
ياااااااااااااااااااااارب أزل الغمامة اللي علي عيونا وساعدنا للرجوع إليك يارب اجعلنا امة محمد علي حق من قلوبنا وليس علي الورق لا تجعلها شعارات نرددها فقط
ياااااااااااااااااااااااااااااااااااااااااااااااارب

حصل موقف غريب اوووووووي لغاية دلوقتي مش لاقي له تفسير كنت بقضي أجازتي مع أهلي في البلد وانا راجع وراكب في المواصلات كان قاعد قدامي راجل انسان زي اي انسان الفرق بينه وبينا انه الوحيد في العربية اللي مطلق لحيته وطبعا كان في كمين أمن دولة قال ايه بيدوروا علي الإرهابين الملتحين ولا حول ولا قوة إلا بالله العلي العظيم الراجل علشان مطلق لحيته اشتبهوا فيه انه ارهابي بس ضابط امن الدولة كان محترم اكتفي بأنه اخد بطاقته وطلب منه انه يروح لهم في المكتب بتاعهم غدا علشان يستوفوا بياناته اتكلمت معاه عرفت انه مجرد موظف بسيط لا حول ولا قوة له كل ذنبه انه تعلم ان اطلاق اللحية سنة من سنن الرسول وهو بيحاول انه يطبق علي قدر الاستطاعة ما يقدر عليه من سنن حبيبنا المصطفي ووجدت أغرب تعليق سمعته من رجل جالس بجواري بعد ان انطلقت السيارة في طريقها مرة اخري بيقولي هو الاسلام بإطلاق اللحية مادام هتعمله مشاكل ما يحلقها صدقوني مش عارف افسر الموقف الغريب دا ازاي هل ذنب الرجل إنه حاول التشبه بالمصطفي عليه السلام ولا المشكلة في ان حكومتنا المصونة حولت كل من أطلق لحيته إلي ارهابي وانا عن نفسي عايش في اسكندرية في وسط كله تجار مخدرات وتجار لحم ابيض رخيص من السهل للمواطن العادي الوصول لهم فهل يصعب علي حكومتنا المصونة التي تدقق في الانسان اللي مطلق لحيته ام لا سبحان الله مش عارف هنفضل لأمتي بعيد عن ربنا بالشكل دا ولأمتي هنفضل مستسلمين للغمامة السوداء علي عيونا

علي فكرة انا أتعمدت ان لون الخط يكون باللون الاسود لأنه أصبح لون قلوبنا